Berglind

Verð bara að játa að það læðist að mér smá kvíðahnútur þó svo að ég reyni að halda í jólaskapið með bros á vör. En hlustandi á fréttirnar í dag þá heyrir maður að ballið hjá Alþjóða gjaldeyrissjóðnum er að byrja. Ríkisstjórnin er búin að segja að það á að gera allt til að hjálpa t.d heimilum landsins,létta róðurinn, koma okkur yfir brimskaflinn og ég veit ekki hvað. Hins vegar kemur þetta niður á eitt,, það erum við og enginn annar sem eigum að borga þetta allt saman. Vá æðislegt að fá að frysta lánin,, lengja þau um skriljón ár og borga allt svo margfalt til baka. Nú ofan á allt á að bjóða okkur upp á hærri tekjuskatt, hærra útsvar, og það verður örugglega stutt í að við fáum að sjá t.d hækkun á leikskólagjöldum,, dagmömmurnar þurfa auðvitað að hækka sinn taxta,, sveitafélögin koma ekki til með að hækka sínar greiðslur til t.d barnafólks. Já svo ætlar ríkið að ná í smá aura með áfengissölunni,, allt að hækka.. já þetta er alveg frábært hvað ríkisstjórnin stendur sig vel.. Nú er ég bara þessi týpíski íslendingur, meðallaunakona, keypti íbúð með ísl. og erl. láni í fyrra og á tvö börn.. Allt sem ríkisstjórnin þykist vera að gera hefur nákvæmlega ekkert hjálpað... ég sé bara að það er verið að klípa meira og meira af þessum fáu verðlausu krónum sem ég vinn mér inn... það sorglega er að hugsunin um að fara héðan læðist æ meir að manni, en maður er fastur í eigin húsnæði og kæmist ekki burt þó svo að maður vildi.